Baguio City- Pinagyamanan ni Atty. Paolo Salvosa, Strategic Consultant ti University of the Cordilleras dagiti naidonar a libro manipud iti Brent Baguio ken Manila para iti Project HELEN (health, education, livelihood, environment and nurturance).
Dumanon iti agarup innem a pulo a karton ti nagduduma a libro ti naipaay iti Project HELEN a naituding a maiwaras kadagiti nagdududma a pagadalan ditoy suidad ti Baguio.
Sigun kenni Atty. Salvosa, naobserbaran na iti panagrikos na kadagiti nagduduma a barangay ditoy Baguio City ti pagkasapulan dagiti ubbing kadagiti libo para iti Reading Program nga isaksakad na.
Babaen iti University of the Cordilleras ken ti Project HELEN ket maisakad ken mapapigsa pay ti Education & Literacy Program.
Pinagyaman pay ni Salvosa da Dr. Celeste R. Engler ken ti sibubukel a Brent community gapu ta makabukel da iti ad-ado a lugar tapno maguyugoy pay dagiti ubbing nga agbasa.// Jordan Tablac
