Nakaawat ti Democratic Republic of Congo ti 99,000 a doses ti umuna a batch ti mpox vaccines, no sadino namnamaen dagiti health authorities sadiay a makatulong a manglapped iti panagraira ti nasao a sakit a nangtignay iti United Nation a mangideklara iti global public health emergency.
Maipalagip a ti Democratic Republic of Congo ti nagtaudan ti sakit nga mpox ken nagwaras daytoy kadagiti kabangibang a pagilian ken dadduma pay a lugar.
Gapu iti kinakurang dagiti bakuna idiay Africa, nangitunda daytoy iti panagsaknap ti nasao a sakit.
Impanamnama met ni Samuel Roger Kamba Mulamba, Health Minister ti nasao a lugar a napaneknekanen ti bakuna idiay Estados Unidos ken maipaay kadagiti nataengan iti nasao a lugar.
Panggep ti Europa nga ipaay ti agarup lima ribu a doses iti sadinoman a rehion a mangkasapulan iti kadakkelan a bilang ti bakuna.
Nupay kasta, manamnama a sumaruno ti pagilian a Burundi a maipaayan iti bakona ngem kasapulan nga autorisaran daytoy dagiti medical agency.
