--Ads--
Kinompirmar ti National Disaster Risk Reduction and Management Council (NDRRMC) a dumanon iti 13 dagiti pimmusay, gapu iti epekto dagiti Tropical Cyclones Crising, Dante ken Emong.
Mainaig iti dayta, 18 nga indibidual ti manarimaan a mabirbiripikar.
Kaaduan kadagiti pimmusay ti manipud sadiay National Capital Region (NCR) a dumanon iti siam, sinaruno ti Region 3 a dua, saggaysa iti Region 10 ken Caraga Region.
Kabayatanna, innem nga indibidual ti mapukpukaw paylaeng, bayat a 10 dagiti naireport a nadangran.
Sigun iti nasao nga ahensia, agarup 1.6 Million a pamilya wenno buklen ti agarup 5.8 Million nga indibidual ti naapektaran kadagiti 17 a rehion ken 70 a probinsia iti pagilian a Pilipinas.
