Impakaamo ni Interior Secretary Jonvic Remulla ita nga aldaw a ni Ramil Madriaga ket nangipaay kadagiti nagan dagiti sumagmamano a “contracted hitman.”
Iti supplemental affidavit ni Madriaga a nabasa iti impeachment hearing iti House justice panel kontra iti bise presidente, inakusaran ni Madriaga ni sigud a President Rodrigo Duterte ti mapapati a nangplano iti assassination—nu saan ket kudeta—kontra kenni President Ferdinand “Bongbong” Marcos Jr. iti kanito a saan daytoy a bummaba iti puesto iti panagdanon iti tawen 2025.
Pinaglibakan daytoyen ti kampo ni Vice President Sara, ken inawaganda a naaramid laeng ken awan ti ebidensiana.
Kabayatanna, kinuna ti Malacañang nga adda iti National Bureau of Investigation (NBI) nu imbestigaranda ti nasao a banag.
Sigun kenni Remulla, adda ti agdama a pangta iti biag ni President Marcos Jr.
Binabalaw metlaeng ni Remulla dagiti statement ni Davao City Mayor Sebastian “Baste” Duterte kontra iti agdama nga administrasion.
Maipalagip a bayat iti panangiyuswat iti Alliance for Good Governance and Accountability (RAGE Coalition), binabalaw ni Baste ti administrasion ni Marcos ken inakusaranna daytoy iti korapsion.
