Awan ti nalawag a linteg a mangsolusyon kadagiti umad-ado a bilang dagiti mangipatpatungpal iti serbisyo iti Burnham Park nga awanan ti permit kas iti panagmasahe ken panagpalama.
Daytoy ti kinuna ni Daryll Kim Longid, dadaulo ti Public Order and Safety Division.
Iti panakiuman ti Bombo Radyo kenkuana, inaklonna kenni Mayor Benjamin Magalong a medyo saandan a kabaelan gapu ta adu ti maipatpatungpal nga aktibidad iti nasao a parke.
Sigun kenkuana, manaynayonan ti bilang dagitoy partikular dagiti agmasmasahe iti baet ti naipatungpal a diyalogo kadakuada nu sadino maysa daytoy a karit kadakuada.
Kinunana a nagpangit para iti turismo ti panagmasahe iti publiko, caroling, solicitation ken dagiti agpalpalama nga ar-aramiden dagiti tattao a saan a residente iti siudad.
Impettengna a nu saan a dagus a maimanehar daytoy a pakaseknan ket ad-adda a maallukoy pay dagiti tattao idi daduma a lugar a mangipatungpal iti nasao nga aktibidad.
Innayona a kasapulanda ti tulong dagiti kameng ti pulis gapu ta agbalbalinen a ‘nuisance’ ti nasao a pakaseknan.
Malaksid iti dayta, kinuna ni Longid a sipud pay 2022 a n akisarsarita kadagitoy seknan iti panag-organize iti bagi da ngem saan a natungtungpal laketdi ag-aapa dagitoy.
Kinunana a saanda a kayat nga agcomply kadagiti requirements a kidkiddawen wenno ipa-paaramid ti lokal a gobyerno kas iti certification.
Pinadas da pay a nangipila ti kaso kontra kadagitoy babaen iti Environmetal code ngem dinismiss ti Prosecutor’s Office daytoy.
Inlawlawag pay ni Daryll Kim Longid, dadaulo ti Public Order and Safety Division a nasken nga adda ti naisina nga ordinansa iti Environmental code tapno makaregulate ken masita dagiti aglabsing kadagiti nadakamat nga indibidual.
Kinunana pay a nakasagana ti opisina nga ipaayan dagitoy ti espasyo ngem kasapulan nga agtungpalda kadagiti sumagmamano a kasapulan nangruna iti panagmasahe.
Iti sabali a bangir, namnamaenda nga umado ti agpalama ken agcaroling iti nagduduma a lugar iti siudad inton sumaruno a bulan.
