--Ads--
![](https://img.bomboradyo.com/baguio/2019/05/la-trinidad-LGU-logo.jpg)
BAGUIO CITY – Maipasidong iti inventory dagiti kaykayo nga addaan iti saan a nasayaat a kasasaad kadagiti babbarangay ti La Trinidad, Benguet.
Sigun kenni Mayor Romeo Salda, kasapulanen a mapukan dagiti kayo a matumtumba ken nadadaelen tapno saan dagitoy nga agbalin a pangta kadagiti umili.
Inlawlawagna a nasken a mapukan dagiti nasao a kayo nangruna ita a panagtutudo gaputa mabalin a matumbada iti kanito a napigsa ti pul-oy ti angin.
Kinuna met ni Municipal Environment and Natural Resources Officer Arthur Pedro a manarimaanen ti panangimbentaryoda kadagiti napeggad a kaykayo kadagiti 16 a babbarangay ti nasao a munisipyo.