Kinumpirmar ni Department of Budget and Management (DBM)Secretary Amenah Pangandaman nga addan iti positibo wenno nagdur-asan iti 2023 Performance-Based Bonus dagiti mannursuro iti Department of Education.
Daytoy ket kasaruno iti panagsaludsod ni House Deputy Minority Leader ken ACT Teachers party-list Representative Antonio Tinio seknan iti Performance-Based Bonus dagitoy.
Maipalagip nga immuna a naideklara nga ineligible ti DepEd para iti 2023 Performance-Based Bonus gapu iti nababa a grado dagitoy kadagiti daduma a performance indicators.
Nupay kasta, naipila ti request for review para iti panakabalbaliwna.
Sigun kenni Pangandaman, maur-uray laengin ti napirmaan a resolusyon manipod iti technical working group tapno mairuar ti pondo para iti daytoy.
