BAGUIO CITY – Sumagmamano kadagiti kaipaspasngay agingga 59 months-old nga ubbing sadiay probinsia ti Apayao ti underweight wenno agkurkurang iti timbang mas maibasar iti kaudian a Prevalence of Malnutrition Report ti National Nutrition Council (NNC) – Cordillera.
Sigun kenni NNC-Cordillera Coordinator Rita Papey, amin a munisipyo ti Apayao ket nakailista ti nasurok 3.17 percent a kaso ti underweight nga ubbing.
Kinunana a gapu iti daytoy ket agtultuloy ti Operasyon Timbang ken dadduma a programa dagiti barangay ken lokal a gobyerno tapnu marisut ti nasao a pakaseknan sakbay pay a ngumato ti bilang dagiti ubbing sadiay nga agbalin nga underweight.
Dinakamatna a tumultulong met dagiti pagadalan sadiay Apayao iti panakakissay dagiti ubbing nga underweight babaen iti Gulayan sa Paaralan, feeding program ken ti panakaisuro ti umno a nutrisyon.
Kabayatanna, nailista met ti nangato a kaso ti overweight ken obesity wenno nakaro a kinalukmeg kadagiti munisipyo ti Calanasan, Conner ken Luna. -report from Bombo Faisa Mariano
