BAGUIO CITY – Dumanon iti 4,744 nga ubbing nga agtawen iti 5 agingga 11 ti nagrehistro iti panagbakuna dagitoy kontra iti COVID-19.
Maipalagip a nangrugi ti panagrehistro dagiti ubbing ditoy siudad idi Enero 1 kas panagsagana iti panagbakuna iti nasao nga age group.
Iruwar met ti City Health Services Office ti schedule ti maangay a panagbakuna kadagitoy.
Maipalagip nga immunan nga inaprubaran ti Food & Drug administration ti emergency use authorization para iti Pfizer-BioNTech vaccine nga addaan iti nababa a dosage a maaramat iti panagbakuna kadagiti ubbing nga agtawen iti 5 agingga 11.
Mainaig iti dayta, dumanon met iti 32,002 iti pediatric population nga agtawen iti 12 agingga 17 met ti nakaawat iti 1st dose ti bakuna a katukad ti 74.75% iti 42,811 nga target population bayat nga 64.36% wenno 27,557 met dagiti fully vaccinated.
