BAGUIO CITY- Nasurok iti 7,700 a trabaho ti indiaya ti DOLE-Baguio-Benguet ditoy Baguio Convention Center para iti jobs fair a paset iti selebrasyon ti “labor day” ita nga aldaw.
Karaman a nakipaset ti 35 nga local establishment ken Overseas Employment agencies nu sadinno kaadoan kadagiti indiayada a trabaho ti medical services, automative services, baking, marketing, advertisement, Business Process Outsourcing (BPO) ken daduma pay.
Nangimuntar pay iti one-stop-shop dagiti nagduduma nga ahensya iti gobyerno ken nangipaayda iti sumagmamano nga “requirements” a kasapulan dagiti aplikante.
Immunan a nangipatungpal iti pre-registration ti DOLE Baguio-Benguet ken Public Employment Service Office wenno PESO iti Baguio City Hall para kadagiti interesado a makipaset iti nasao a jobs fair.
Adu met a job seekers ti nakipaset iti aktibidad nu sadinno kalpasan ti 4 nga oras 235 nga aplikante ti kwalipikado iti lokal a trabaho ken 122 iti ballasiw-taaw ken 6 ti hired on the spot (HOTS) manipod kadagiti 698 a nagrehistro.
Sigun met kenni Labor and Employment Officer III Romelda Frances Escaño daytoy iti kaunaan nga face to face Job Fair kalpasan iti tallo a tawen gapo iti pandemya.
Nagbalin met a naannayas ken nakapia ti naipatungpal a jobs fair ditoy Baguio Convention Center babaen iti siguridad ken panagwanawan nga impatungpal ti dagiti otoridad ken sumagmamano a volunteers.
