Impakaamo ni Senador JV Ejercito nga ad-adalenen ni Senador Ronald ‘Bato’ dela Rosa ti panag-waive iti sueldona ken allowance bayat nga agtultuloy a saan a sumsumrek iti Senado.
Daytoy ket kalpasan ti naisayangkat a panagtaripnong iti Senate committee on ethics, nu sadinno napagsaritaan dagiti reklamo a naipila kontra kenkuana.
Sigun kenni Ejercito, ur-urayenda laengen ti pinal a desision iti kampo ni Dela Rosa, ken inawaganna daytoy a nasayaat a damag.
Immunan a kiniddaw ni Ejercito ti kusa a panangisuko iti senador ti sueldona bayat nga absent, nangruna ta awan pay ti “no work, no pay” policy ti Senado.
Maipalagip a saanen a nagparang ni Dela Rosa manipod idi Nobiembre 2025, iti tengnga iti report iti arrest warrant manipod iti International Criminal Court seknan iti war on drugs.
Patienda a posible a makatulong ti panagwaive iti sueldo tapno maibasura ti ethics complaint kontra kenkuana iti grupo a Wag Kang KuCorrupt.
