BAGUIO CITY – Manarimaan ti panagsanay ti nasurok lima a piloto kas panagsagana iti manamnama a maipaay a chopper para iti Bureau of Fire Protection – Cordillera.
Sigun kenni Senior Superintendent Robert Pacis ti Bureau of Fire Protection -Cordillera, agsansanay dagitoy babaen iti Philippine National Police Aviation Security Group.
Innayona a namnamaenda ti panakaipaay ti kaunaan a chopper nu sadino adda iti 3rd phase ti panakaiproseso daytoy.
Maipalagip nga inkari ti Bureau of Fire Protection ti panakagatang ti maysa a chopper ita a tawen nu sadino manamnama a maipatulod iti rehiyon Cordillera inton sumaruno a tawen.
Maipalagip pay nga idagdagadag ni President Ferdinand Marcos Jr. ti panakagatang ti chopper para iti naparpartak a panagresponde ti Bureau of Fire Protection kadagiti mapamasaka nga uram partikular dagiti forest fires.
Iti agdama, adda ti nailatang a pondo para iti panakagatang dagiti firefighting chopper.
