BAGUIO CITY – Pinarot ken inuram dagiti otoridad ti nasurok P10.630-M a gatad ti pinuon ti marijuana a naimula iti sangapulo a plantasion sadiay Kibungan, Benguet.
Resulta daytoy tallo nga aldaw a marijuana eradication operation ti dagiti operatiba ti PDEA-Cordillera ken pulisya a nangrugi iti Hunyo 25 ken angleppas idi kalman.
Ditoy a nadiskobre ti pakabuklan a sangapulo a pantasion a nakadadaelan ti 37,250 a fully grown marijuana plants ken 26.5 na kilo ti napagango a bulong ti marijuaan a nasarakan iti 4,150 metro kwadrado ti kalawana a lote.
Immuna a nadiksobre ti 25,000 a pinuon ti marijuana nga aggatad iti P6.80-M a naimula iti uppat a nagsisina a plantasion sadiay Sitio Dalipey, Tacadang.
Kabayatana, nadadaee ti 2,250 a pinuon ti marijuana nga aggatad iti P2.450-M ken ti napagango a bulong ti marijuana nga aggatad iti P3.180-M iti innem a nagsisina a plantasyon sadiay Sitio, Naptong, Badeo.
Suksukimaten dagiti otoridad ti nasao nga insidente para iti posibilidad ti panakatiliw dagiti cultivators.
