BAGUIO CITY – Naaprubaranen iti lokal a konseho ti nasurok P2.3B a pondo ti Baguio City inton sumaruno a tawen.
Nailatang ti kadakkelan a pondo para iti General Services Office a nasurok P383-milyon a buklenna ti 16.06% ti pakabuklan a 2022 budget.
Sarunuen daytoy ti Development Fund a nasurok iti P273-milyon, Health and Services Office a nasurok iti P228-milyon, Enginee’s Office a nasurok P173-milyon; Non-office Expendidures a nasurok P170-milyon ken ti Sangguniang Panglungsod a nasurok P121-milyon.
Nailatang met ti kabaan a pondo ti Commission on Audit a dumanon laeng iti nasurok P1.2-milyon.
Karaman pay kadagiti nailatangan iti kababaan a pondo ti Baguio Jail Management and Penology; ti Baguio City Fire Station; ti Prosecutor’s Office; Regional ken Municipal Trial Court.
Sigun iti lokal a gobierno , nagtaud ti pondo manipod iti internal sources pakairamanan ti buis, non tax revenue ken iti external sources a pakairamanan met ti bingay ti siudad manipod iti national tax allotment, economic zones, ken iti PCSO.
Nailawalwag met a ti GSO ti kadakkelan ti pondo-na inton umay a taaawen gaputta naalwa ti sakop daytoy partikular ti solid waste management ken ado dagiti empleyado ti nasao nga opisina./
