--Ads--
BAGUIO CITY – Natiliw ti maysa a high value drug personality iti buy-bust operation nga insayangkat dagiti otoridad sadiay Betag, La Trinidad, Benguet.
Nabigbig daytoy a ni Jefferson Pinas Garcia alyas ‘Kusil’, 25-anyos, mekaniko ken residente ti La Trinidad, Benguet.
Nakumpiskar kenkuana ti maatap a shabu nga agdagsen ti agarup 5.54 grams.
Kinapkapan daytoy dagiti otoridad ken sadiay a nakumpiskar iti ikotna ti maysa pay a pakete ti maatap a shabu nga agdagsen ti 5 grams bayat a narekober pay kenkuana ti naaramat a buy-bust money.
Nasurok iti P71,600 ti gatad ti nakumpiskar nga iligal a droga manipud iti nasao a drug personality.
Sumangsangon ni Garcia iti kaso a panaglabsing iti RA 9165 wenno iti Comprehensive Dangerous Drugs Act of 2002.
