BAGUIO CITY – Dinadael dagiti otoridad ti nasurok P900,000 a gatad dagiti pinuon ti marijuana a naimula iti nagsina a disso sadiay Tokob, Bileng, Sagubo, Kapangan, Benguet idi kanikadua.
Resulta daytoy ti marijuana eradication operation nga insayangkat ti nagtipon a pwersa ti Kapangan Municipal Police Station ken PDEA-Cordillera.
Pinarut ken inuramda ti 1,500 a pinuon ti marijuana nga aggatad ti P54-K a naimula iti 750 metro kwadrado a lote.
Simmaruno a pinarut ken inuramda ti 6,700 a pinuon ti marijuana nga aggatad ti P860-k a naimula iti 600 metro kwadrtado a lote.
Nadiskubre pay dagiti otoridad ti 100 a pidaso ti napagango a bulong ti marijuana iti maysa a kalapaw iti nasao a lugar nga aggatad iti P12,000.
Nupay kasta, awan ti nadanonan dagiti otoridad nga indibidual kabayatan ti operasion dagitoy.
