Nagkari ni National Bureau of Investigation (NBI) Director Melvin Matibag a dumar-ay daytoy iti impeachment hearing ti House Justice Committee kontra kenni Vice President Sara Duterte a naituding inton Abril 14.
Immunan nga inimbitaran ti komite ti nasao nga opisyal.
Sigun kenni Matibasg, nakasagana daytoy a sumango iti nasao a komite ken nakasagana metlaeng dagiti certified true copies dagiti rekord ti imbestigasyon.
Sigun iti immunan nga impakaammmo ti National Bureau of Investigastion, inrekomenda ti ahensiya iti Department of Justice a makasuan ni Vice President Duterte iti grave threats ken inciting to sedition.
Narugian ti nasao nga imbestigasyon iti panangidaulo ni sigud a Judge Jaime Santiago sakbay a simmublat ni Matibag.
Malaksid kenni Matibag, limma pay nga indibidwal ti maatap a pinaayaban ti House panel tapno maalaan iti salaysay.
Karamanen ditoy ti defense counsel ni Vice President Sara Duterte a ni Atty. Michael Poa. //bombokaren.c.s
