Makikokoordinar ti National Housing Authority (NHA) kadagiti local government units (LGUs) iti rehiyon Cordillera tapno maisubmiter ti housing assistance request nga epekto dagiti naglabas a bagyo ken habagat iti rehiyon.
Sigun kenni Senior Community Support Services Officer of NHA Region 1 and CAR Chris Paul Mongalini, nasurok 400 a babbalay iti nairekord kas incurred damage.
Imbinglayna pay nga iti sidong iti Emergency Housing Assistance Program (EHAP), makaawat iti P10,000 agingga P20,000 dagiti kwalipikado a benepisyaryo no sadino partially damage dagiti babbalayda, bayat a makaawat met dagiti residente a totally damage iti babbalayda iti P30,000 agingga P50,000.
Innayonna pay a nu maaprobaran, ti pondo ket maited kadagiti regional office ken mai-distribute kas cash assistance kadagiti apektado a pamilya.
Kabayatanna, ipatpatungpal iti NHA ti Housing Assistance Program para kadagiti biktima nga agnanaed kadagiti lugar a naideklara kas high-risk wenno no-build zones.//Bombo Khey Reparip
