Inkari ni North Atlantic Treaty Organization (NATO) Secretary-General Mark Rutte ti kanayonan a suporta para iti Ukraine ken panagpapigsa iti depensa iti eastern border ti aliansa kalpasan ti agsasaruno a panangraut iti Russian drone a timmama iti asideg iti border iti Poland.
Ti statement iti NATO chief ket kasaruno iti panagatake iti Russia iti maysa a tren ken crossing point nga asideg iti Poland a napasamak kalpasan a limmabas iti tren no sadino nakasakay da sigud a UK Prime Minister Boris Johnson ken sigud a Swedish Prime Minister Carl Bildt.
Kinondenar met ti insidente dagiti opisyales iti Europe ken Poland bayat a nagballaag ni Polish Prime Minister Donald Tust a posible nga agtuloy ket kumaro pay dagiti panagatake iti Russia kadagiti border points kadagiti sumaruno a bulan.
Kabayatanna, imbinglay met ni US President Donald Trump iti social media-na nga addan ti katulagan ti Russia ken Ukraine maipapan iti panagsardeng iti panagatake kadagiti bukodda nga energy infrastructure tapno mapababa ti presio iti langis ken diesel.
Nupay kasta, awan pay ti opisyal a kumpirmasyon manipud iti Mascos wenno Kyiv mainaig iti mamapati a katulagan.//Bombo Khey Reparip
