Kinumpirmar ni Senate President Peter Alan Cayetano nga awan ti mapasamak a pannakaarestar kenni Senator Bato Dela Rosa ita a rabii.
Sigun kenkuana, apaman a nadamag ni National Bureau of Investigation (NBI) Director Melvin Matibag ti desisyon ti senado a maipasidung ni Senator Bato Dela Rosa iti protective custody ti senado, saanan nga inpilit nga iserbi ti arrest warrant kontra iti senador.
Impakaammo pay ni Senate President Cayetano a ti iseserek dagiti National Bureau of Investigastion ket naikoordinar kenni sigud a senate president Tito Sotto III.
Nupay kasta, sigun iti baro a senate president, iti baet a nai-coordinate ti pannakaserbi ti nasao a warrant, saan nga umno a maki-kinnamat iti uneg ti senado.
Inlawlawagna pay nga iti agdama, awan pay laeng ti maibagada nu anya ti sumaruno a mapasamak inton bigat.
Iti baet dayta, kiniddaw ni Senate President Cayetano iti nasao nga ahenya, paregtaenda ti bukod a korte ti pagilian a Pilipinas.
Immunan a kinumpirmar ni NBI Director Melvin Matibag a saandan nga ipilit nga arestaren ni Sen. Bato Dela Rosa gapu ta bigbigenda ti nagbalin a desisyon ti senado nga ipasidung ti nasao a senador iti protective custody da. //bombokaren.c.s
