--Ads--
BAGUIO CITY- Ikalikagum met itan dagiti sumagmamano a hotels and restaurant iti siudad ti baguio ti negatibo a resulta ti Antigen Test kadagiti turista nga agturong iti pasilidad dagitoy kasaruno ti pannakaaprobar ti No Test No Entry Policy idi kalman.
Sigun kenni Andrew Pinero, dadaulo ti Hotel and Restaurant, mangidiaya dagitoy iti Antigen Test nga aggatad iti 500 peso manipud iti orihinal a presyo daytoy a 1,300 agingga 2000 para kadagiti turista nga awanan iti antigen test result.
Patienna a babaen iti daytoy ket maguyugoy latta dagiti turista nga agturong kadagiti hotel ken restawran.
Impaganetgetna a suportaranda ti addan nga ipatpatungpal ti lokal a gobyerno tapnu maipanamnama a COVID-FREE dagiti turista nga agturong iti siudad.
