--Ads--
Imbinglay ni Senate Blue Ribbon Committee Senator Panfilo “Ping” Lacson a posible a masuspindir ti sweldo ni Senator Bato Dela Rosa gapu iti saanna a panang-atendar iti Senado.
Sigun kenni Senator Ping Lacson, addan ti nakasagana nga ethics complaint ni sigud a senator Antonio Trillanes kontra iti nasao a senador.
Nupay kasta, impeteng ni Sen. Ping Lacson a kasapulanda pay nga adalen a nasayaat ti posible a “no work, no pay” kontra kenni Senator Bato Dela Rosa.
Maipalagip a saan a nagparparang ni Senator Bato Dela Rosa manipud Nobyembre idi napalabas a tawen kalpasan iti maatap a panangipaulog ti International Criminal Court (ICC) ti arrest warrant kontra kenkuana. // Bombo Karen Calpoe Sapirao
