--Ads--
BAGUIO CITY – Naipatungpal ti OKtober: Check Yourself 2024 iti Baguio Convention Center ita nga aldaw.
Daytoy a programa ket paset ti pannakarambak ti Breast Cancer Awareness month.
Iti nasao nga event, naipatungpal ti check-up ken screening para iti Breast ken Cervical Cancer para kadagiti babbai nga agtawen ti 25 ken agpangato.
Naipatungpal metlaeng dagiti lectures seknan iti breast ken cervical cancer.
Imbinglay metlaeng dagiti breast cancer survivors dagiti kapadasanda seknan iti nasao a sakit.
Maal-allukoy met ti publiko nga agpachek-up ken agpa-screening dagitoy para iti breast cancer.
Kabayatanna, daytoy a programa ket indauloan ti Health Services Office, Baguio General Hospital and Medical Center ken ICanServe Foundation inc.
