Ikonkonsidera ita ti Baguio City Council ti singasing a one-year cooling-off period sakbay a mang-hire manen ti city government kadagiti newly retired workers manipud iti publiko wenno pribado a sektor.
Sigun kenni City Councilor Van Oliver Dicang, panggep ti singasing a mangipaay iti ad-ado nga oportunidad kadagiti ubbing ken middle-aged professionals a makaserrek iti government service bayat a maitantandudo ti generational renewal, leadership succesion, ken merit-based hiring no sadino makaipaay dagitoy iti baro nga ideya ken skills para iti public service.
Iti sidong ti gakat, maipawil kadagiti retirado a madutokan manen wenno maikkan iti trabaho iti city government kalpasan iti makatawen a panagretiroda.
Kabayatanna, maipaayan met iti exemption dagiti retirado nga addaan iti espesial a pannakaammo wenno naisangsangayan nga skills a kasapulan ti siudad.
Impaganetget met ni Baguio City Mayor Benjamin Magalong ti kinapateg ti panangipaay iti oportunidad kadagiti agtutubo a makaipaay iti baro nga ideya para iti siudad.
Namnamaenna pay nga addanto dagiti agtutubo a mangsublat kadakuada a mangidaulo iti siudad tapno makaipaay kadagiti baro nga ideya para iti Baguio City.| Bombo Khey Reparip
