Impaayan iti Department of Environment and Natural Resources(DENR) ti cease and desist order ti operator ti nagcollapse a Binaliw Sanitary Landfill idiay Binaliw,Cebu City babaen iti maseknan a regional office daytoy.
Gapu iti dayta, kasapulan nga isardeng iti Prime Integrated Waste Solutions,Inc.(PIWSI) ti amin nga operasyon daytoy iti nasao a sanitary landlfill pakairamanan ti panagawatna iti basura.
Nupay kasta, kasapulan latta a makitinnulong daytoy iti panakaipatungpal iti rescue, retrieval ken cleanup operations kadwa dagiti daduma pay a maseknan nga ahensya iti gobyerno.
Maipalagip a nagcollapse ti landfill facility idi January 8 nu sadino, iti agdama ket dumanonen iti walo ti bilang dagiti kumpirmado a pimmusay bayat a dinosdosena pay dagiti mapukpukaw.
Agingga ita ket agtultuloy pay ti search and rescue operation dagiti otoridad nu sadino, dinakamat pay ti maysa a konsehal sadiay a kalabanda ti oras rason a 24/7 ti panangideployda kadagiti rescuers iti baet a marigatan dagitoy gapu kadagiti dadakkel a metal beams ti nagcollapse a pasilidad.
Immuna metten nga impakaammo ni Cebu City Mayor Nestor Archival a nakadetek dagiti otoridad iti senyales nga adda pay ti sibibiag kadagiti daduma a paset ti nasao a disso ngem impettengna a kasapulanda ti naannad a panagtignay nangruna ket adda paylaeng ti maob-obserbaran a panagkuti ti landfill.
Mainaig iti dayta, kinuna ti DENR a mangipatungpal dagitoy iti komprehensibo nga imbestigasyon tapno maduktalan ti rason iti panagregga-ay dagiti napinpin basbasura.
