Ad-adalaen dagiti municipal officials ken maseknan nga ahensya ti lumlumned a paset iti Baguio-Bauang Road sadiay Barangay Banangan, Sablan, Benguet.
Impasigurado ni Sablan Mayor Alfredo Dacumos Jr., a proyoridadda ti mangipaay iti maitunos a solusyon iti apektado a paset iti national road no sadino impaganetget ni Department of Public Works and Highways (DPWH) Secretary Vince Dizon ti kinapateg iti dalan bayat iti panagbisitana iti lugar.
Sigun pay kenni Mayor Dacumos, nabigbig ti elevated area nga addaan ti posibilidad iti construction para iti baro a dalan.
Nupay kasta, impeksa met iti Department of Environment and Natural Resources (DENR) a ti nasao a kalsada ket potentially hazardous.
Imbinglay pay iti mayor iti panagadal dagiti engineers manipud Department of Public Works and Highways (DPWH) sadiay no sadino impeksada a ti panagibangon iti rantay iti sinking portion ket saan maaramid gapu ta awan ti body of water sadiay.// Bombo Khey Reparip
