Balligi a naipatungpal ti umuna a gundaway nga oplan baklas iti syudad ti Baguio ita nga aldaw kagiddan ti panagrugi ti campaign period para kadagiti senator ken partylist representatives.
Nangrugi daytoy iti oras ti pasado alas otso ken nagleppas daytoy ti pasado alas nuebe.
Nangrugi a nagpatrolya ti kameng ti COMELEC manipud iti opisinada, agingga sadiay Lower Session, New Lucban Extension, Bokawkan Road, Cresencia Village, ken dadduma pay a lugar iti siudad.
Dua met a barangay ti nagbaklasan dagitoy kadagiti illegal posters wenno tarpaulin dagiti senators ken partylists.
Iti interview ti Bombo Radyo kenni Atty. John Paul Martin- COMELEC Officer iti syudad ti Baguio, kinunana a kadawyan kadagiti posters a nabaklas ket naipalkat kadagiti pader, railings ken dadduma pay a public properties.
Sigun pay kenkuana, ti designated common poster area ket asideg iti barangay hall rason nga impaganetgetna a saanna a kayat a sawen nga agipaskil iti posters kadagiti building wenno pader no diket ti kayatna a sawen ket ditada a mabalin nga ikabil ti structure wenno ti kayo a pangipaskilanda iti postersda.
Ti met maipalubos a size ti poster dagiti kandidato ket 4fx6f a pangipaskilanda kadagiti posters.
Impalagipna metlaeng a maipawil ti agipaskil kadagiti overpass, railings, rangtay ken dadduma pay a public property.//Bombo Noveh Organo
