BAGUIO CITY – Inyusuat ti probinsial a gobierno ti Ifugao ti “Oplan Gawid” program para kadagiti estudiante ken trabahador a residente ti probinsia a na-stranded wenno napupuk iti sabali a lugar.
Sigun iti Ifugao Provincial Inter-Agency Task Force (PIATF) COVID-19, babaen iti programa ket makaawid dagiti stranded nga estudiante ken trabahador ngem masapul nga agtungpalda kadagiti protocols.
Balbalakadan ti task force dagiti intersado nga agawid sadiay Ifugao tapno ipaka-ammoda ti kompleto a personal a detalye maipapan kadakuada.
Masapul nga ipatulodda ti detalye iti contact person ti munisipio dagitoy agingga ita nga aldaw, Marso 8.
Awagan wenno mangipatulod ti task force iti mensahe iti maseknan nga estudiante wenno trabahador tapno maammuan no mapatgan ti kiddaw daytoy nga agawid sadiay Ifugao.
Apaman a masukon dagiti estranded nga indibidual ket masapul nga iparangda ti balido nga ID dagitoy ken agsuratda iti health declaration form.
Maipasidong met laeng dagitoy iti rapid testing ken quarantine iti las-ud ti 14 nga aldaw.
