--Ads--
BAGUIO CITY – Dinadael dagiti otoridad dagiti pinuon ti marijuana nga aggatad ti P1.48-M iti insayangkatda nga eradication operation sadiay Butbut Proper, Tinglayan, Kalinga idi kalman.
Maibasar iti report ti Kalinga Police, manarimaan ti panagpatrolya dagiti pulis idi naipaka-ammo kadakuada ti kaadda ti pagmulaan ti marijuana sadiay.
Nasarakan dagiti pulis ti dua a pagmulaan ti marijuana nga addaan kalawa a 2,200 square meters ken nakaimulaan ti mapattapatta a 7,400 a pinuon ti marijuana.
Dagus a pinarut ken inuram dagiti pulis dagiti iligal a mula malaksid kadagiti inalada nga agserbi nga ebidensia.
Nupay kasta, awan ti natiliw a marijuana cultivators kabayatan ti operasyon.
