Naituding a maipaay ti P1 million a gungona iti siasinuman a makaipaay iti impormasyon ti suspek a nangpalpaltog iti mannursuro ken dentista sadiay Abra itay nabiit.
Daytoy ket kalpasan a nangidiaya ni suspended Abra Vice Governor Maria Jocelyn “Joy” Bernos iti gungonna.
Immunan a nabigbig a dagiti biktima a da Dr. Francisco Beleno Beria Jr., dentista ken ni Odilon Peru Peria, mannursuro iti Abra High School ken residente sadiay Zone 3, Bangued, Abra.
Maipalagip nga itay napalabas, nakaawat ti Bangued Municipal Police Station iti awag a nangipakaammo iti pammaltog a napasamak.
Dagus met a nagresponde dagiti otoridad no sadino naiturong iti ospital ni Peria nopay kasta, naideklara a dead on arrival.
Sigun iti doktor, nagsagrap iti tallo a tama iti likodna bayat a dua a tama iti makinkannigid a barukongna ken maysa iti makinkannigid nga imana.
Kabayatanna, nasarakan ni Dr. Beria nga awanan biag iti nasao a crime scene ken nakita a napaltugan ti makinkannigid nga ulona.
Sakbay ti nasao nga insidente, nakatugaw da Peria ken ti kadua daytoy a ni Charlon Guliban Blaquera, 38-anyos, single, maestra iti Abra high School, ken residente sadiay Zone 6, Bangued, Abra bayat a ni Dr. Beria ket nakatugaw iti sabali a lamesaan idi kellaat nga immasideg ti suspek a nakahelmet kenni Peria ken pinalpaltuganna iti uppat a daras.
Dagus met a timmaray ni Blaquera iti uneg ti cafe bayat a ti suspek ket timmaray iti saan nga ammo a direksyon.
Naala met ti tallo nga empty shells ti Caliber 45 iti nakapasamakan ti insidente.
Iti agdama, manarimaan ti manhunt operation ken maad-adal ti motibo ti suspek iti nasao nga insidente.//M
