BAGUIO CITY – Impannakkel ti Cordillera PNP ti panakaparot ken panakadadael ti P11.2-M a gatad dagiti marijuana iti nagduduma a paset ti Benguet.
Sigun iti Cordillera PNP, naipatungpal dagiti marijuana eradications iti nagduduma a plantation sites kadagiti ili ti Kibungan, Mankayan, ken Bakun, Benguet.
Nagresuta daytoy iti panakaparot ti 8,300 fully grown marijuana plants, panadadakel ti 120 kilos ti marijuana stalks, maysa a kilo ti napagango a bulong ti marijuana, 100 pidaso ti marijuana sticks ken 1,000 marijuana seedlings.
Immunan a naipadamag nga itay laeng nabiit ket pinarot ken pinuoran dagiti otoridad ti P49.6-M a gatad ti fully grown marijuana plants sadiay Loccong, Tinglayan, Kalinga.
Pinarot ken dinadael met laeng dagiti otoridad ti P2.6-M a gatad ti fully-grown marijuana plants iti nagbeddengan ti Sadanga, Mt. Province ken Bugnay, Tinglayan, Kalinga.
Iti pakabuklan ket dumanon iti P63.4-M ti gatad dagiti iligal a mula a naparot ken nauram iti nagduduma a paset ti Cordillera idi napalabas a lawas.
