Inwaragawag ni Senate President Sherwin Gatchalian a dumanon iti P180 billion ti pondo a mabalin nga aramaten ti executive department para iti rehabilitasyon dagiti lugar a naapektaran iti magnitude 7.8 a ginggined sadiay Mindano.
Sigun kenni Sen. Gatchalian, iduronna ti naparpartak a pannakairuar ti pondo manipud iti executive department tapno makabangon dagiti biktima iti kabiitan a panawen.
Manipud iti P180 billion, kunana nga agingga iti P18 billion ti mabalin a maaramat iti sidong ti National Disaster Risk Reduction and Management Council (NDRRMC) kas risk reduction fund para iti reconstruction efforts.
Mabalin a mausar daytoy para iti rehabilitation wenno reconstruction dagiti pasdek a nadadael.
Kabayatanna, impaganetget ti presidente ti Senado nga adda ti umdas a pondo ken ti laeng kasapulan ket ti napaktak a pannakairuar daytoy para iti dagus a rehabilitasion.
