Inyebkas ni Vice President Sara Duterte a nakakawes isuna ti nangisit a bado kas pannakikaykaysa iti publiko a “naallilaw” ti gobierno kalpasan a pinasardeng ti Department of Agriculture ti rollout ti P20 tunggal kilo a bagas sadiay Cebu.
Sigun iti Bise Presidente, malidayan daytoy gaputa ay-ayamenda dagiti tattao nga awanan, ken dagiti nakurapay.
Kinunana a saan laeng a maminsan wenno mamindua nu diket maulit-ulit a gungundawayanda ti ti kinadesperado, bisin, ken kinapanglaw iti pagilian.
Immuna nga inyemplementar ti Department of Agriculture ti nalaka a bagas idiay Cebu idi Huebes.
Ngem temporario a napasardeng ti programa agingga iti ngudo ti Mayo a dose kas panagtulnog iti direktiba ti Commission on Elections (COMELEC).
Ti puntiria ti P20 tunggal kilo a bagas ket dagiti vulnerable sectors a kas dagiti senior citizens, solo parents, ken persons with disabilities.
Ti direktiba ti Commission on Elections ket addaan panggep a mapolitikaan ti programa wenno maaramat manipod iti panagkampania.
