Sumangsango ti uppat a lalaki iti kaso mainaig iti violation of Republic Act 9165 wenno Comprehensive Dangerous Drugs Act of 2002.
Napilaan dagitoy iti kaso kalpasan a nakompiskar kadakuada ti P3.6 Million a gatad ti dried Marijuana Plants iti naisayangkat a buy bust operation idiay Brgy Betag, La Trinidad, Benguet idi May 7, 2025.
Nakemmeg dagiti uppat a suspek kalpasan a masya kadagitoy ti nangilako iti 30 a pidaso, ken mapattapatta a 30 a kilo ti tubular-shaped ti mapapati a dried marijuana leaves ken stalks.
Nakumpiskar metlaeng kadagiti suspek ti black Toyota Fortuner a nakailuganan dagiti nasao nga iligal a droga.
Sigun kenni PDEA-CAR Regional Director Derrick Arnold C. Carreon, dua kadagiti suspek ti nagtaud manipud idiay Santol, La Union bayat a dagiti dua ket manipud idiay Tublay, Benguet.
Balligi ti operasion babaen iti nagtipon a puersa ti Philippine Drug Enforcement Agency- Cordillera Regional Special Enforcement Team (PDEA-CAR RSET); PDEA-CAR Ifugao Provincial Office; Baguio/Benguet Provincial Office; Regional Intelligence Operating Team, ken Philippine National Police Drug Enforcement Group- Special Operations Unit Cordillera (PDEG-SOU).
