--Ads--
BAGUIO CITY – Dinadael ti nagtipon a pwersa ti Tuba Municipal Police Station ken PDEA-Benguet ti P480-K a gatad dagiti pinuon ti marijuana sadiay Sitio Ampusa, Upper Tadiangan, Tuba, Benguet idi agsapa.
Kabayatan ti marijuana eradication operation ket nadiskobre ti 4,000 a gramo ti naapiten ken napagangon a pinuon ti marijuana.
Nadiskobre dagitoy iti pagmulaan nga addaan kalawa a 50 square meters.
Nupay kasta, awan ti nakemmeg nga indibidual kabayatan ti operasyon.
Dagus nga inuram dagiti operatiba dagiti iligal a mula.
