--Ads--
Nadiskubre ti P500,000 a gatad ti fully grown marijuana plants bayat ti naisayangkat a marijuana eradication sadiay Sitio Lokok, Badeo, Kibungan, Benguet.
Naballigi ti nasao nga operasyon babaen ti panangidaulo dagiti kameng ti Kibungan Municipal Police Station, Provincial Drug Enforcement Unit, Provincial Intelligence Unit, Regional Intelligence Unit ken ti Philippine Drugs Enforcement Agency Cordillera.
Nagresulta ti operasyon ti pannakadiskubre ti maysa a marijuana plantation a namulaan iti 2,500 a pidaso ti nasao a mula.
Nupay kasta, awan ti natiliwan a cultivator wenno ti nagmula.
Dagus met a pinarut ken inuram daytoy dagiti otoridad.
