Maisingsingang ti agarup P6.35 trillion para iti pundo inton sumaruno a tawen.
Kinuna ni Budget Secretary Amenah Pangandaman a ti maisingsingasing a budget inton sumaruno a tawen ket agarup 22% manipud iti Gross Domestic Product (GDP) iti pagilian ken 10.1% a nangatngato daytoy no idilig iti budget iti agdama a tawen a P5.767 trillion.
Sigun kenkuana, kasapulan a dakdakkel ti budget inton sumaruno a tawen gapu iti ngumatngato nga investments partikular iti sektor ti agrikultura tapno masigurado ti food security, imprastraktura, digitalization ken climate projects.
Malaksid iti dayta, ngimmato metlaeng daytoy gapu iti panagngato ti National Tax Allotment kasta met ti panagngato dagiti allowances dagiti manursuro.
Innayon ni Pangandaman, a mas dakdakkel ti National Tax allotment ti pagilian inton sumaruno a tawen gapu ta adda ti eleksyon ken dadduma pay.
Kabayatanna, manamnama a maipresentar iti gabinete ti singasing a budget inton July 02 ken maipresentar daytoy iti kongreso inton July 29 wenno kalpasan ti president’s State of the Nation Address.//Rose
