Dinadael dagiti nagtipon a pwersa ti law enforcement operatives iti mapatta-patta a P9.6 Milyon a gatad ti fully grown marijuana plants kabayatan iti dua nga aldaw nga eradication operation idiay Barangay Butbut Proper, Tinglayan, Kalinga, a naisayangkat idi Agosto 2 agingga Agosto 3.
Ti nasao nga operasyon ken indauloan ti Philippine Drug Enforcement Agency (PDEA) Cordillera – Kalinga Provincial Office. Nadiskobre da ti agarup 48,000 a puon ti marijuana iti 6,000 square meter a kalawa a plantation site iti maysa a communal forest.
Dagiti nasao a marijuana ket dagos a pinarot ken inuram dagiti operatiba.
Karaman metlaeng iti balligi nga operasyon ti 2nd Kalinga Provincial Mobile Force Company (2nd KPMFC), PNP Drug Enforcement Group Special Operations Unit – CAR (PNP DEG SOU-CAR), Tinglayan Municipal Police Station, ken Bureau of Jail Management and Penology (BJMP) Kalinga District Jail.
Impasigurado met dagiti otoridad ti agtultuloy a komitment da iti pannakaipatungpal dagiti -illegal drug operations iti rehiyon. //bombokaren.c.sapirao via Bombo Alfred Pudsoc
