Nabotosan ni Paetongtarn Shinawatra, 37-anyos kas baro a Prime Minister ti Thailand, ti mabigbigbig a kaubingan a Prime Minister iti nasao a pagilian.
Ti panagtakem ni Shinawatra iti posisyon ket gapu iti napasamak a saan a panagkikinaawatan dagiti elite a nangitunda iti panakaikkat ni Srettha Thavisin kas Prime Minister babaen ti constitutional court ruling itay napalabas a Miyerkules.
Ni Shinawatra ket paga-ammo iti palayawna nga Ung Ing ken daytoy ti kaubingan nga anak ti billionaire tycoon a ni Thaksin Shinawatra.
Daytoy ti maikadua a babai a Prime Minister sadiay Thailand ken ti maikatlo a miyembro ti pamilya dagitoy a nag-iggem iti kangatoan a posisyon malaksid iti amana ken iti antena a ni Yingluck Shinawatra.
Iti umuna a media appearance daytoy kas nabotosan a Prime Minister, impeksana a maladingitan daytoy iti napasamak iti sigud a Prime Minister nupay kasta, napagdesisyonanna a nasken nga adda aramidenna para iti pagilian daytoy.
Maragsakan met daytoy iti panagbalinna kas lider ken inkarina nga aramidenna ti amin.
