BAGUIO CITY – Manarimaan ti panangisimpa ti City Environment and Parks Management office iti sistema seknan iti panangipaay ti iligal a serbisyo pakairamanan dagiti masahista, fortune tellers ken dadduma pay nga awanan ti permit sadiay Burnham Park, Baguio City.
Sigun kenni Mayor Benjamin Magalong, kasapulan a mapabaro dagiti pagannurotan iti Burnham park tapno saan nga agsubli iti sigud nu sadino adu dagiti agilaklako ken mangipapaay ti iligal a serbisyo iti nasao a parke.
Kinunana a saan a napintas a kitkitaen dagiti silalabus a mamasmasahe iti nasao a lugar.
Maipalagip nga inaklon ti Tourist Police Unit ken dagiti kameng ti security guard ti CEPMO a marigatanda a mangipawil kadagiti mangipapaay iti iligal a serbisyo idiay Burnham Park gapu ta awan pay ti espisipiko a pagannurutan wenno nailanad iti city ordinance maipapan iti daytoy.
Iti agdama, iyur-urayda ti maipaiyulog a pagannurotan seknan iti nasao a pakaseknan.//Bombo Jez Lapizar
