Impetteng ti pamilya ti pimmusay a rider iti sango ti UC Harrison Road, Baguio City itay agsapa nga awan ti areglo a mapasamak kadagiti jeepney drivers a mapapati a nakabangga ken nakaatal iti biktima.
Iti panakiuman ti Bombo Radyo kenni Eloiza Ruiz, nanang ti biktima kinunana nga ituloyda a kasuan dagiti jeepney drivers.
Maipalagip a mapapati a dinungpar ti maysa a jeepney driver ti biktima sakbay a naatalan daytoy ti maysa pay a driver bayat ti panagmanehona nga agawid rason a dead on the spot daytoy.
Sigun kenkuana, boluntario man a simmuko ti maysa kadakuada ngem ituloyda latta a kasuan daytoy agsipud ta daytoy metlaeng ti desisyon ti bukod a pamilya ti biktima ken dagiti dadduma a kakabagyanda.
Nupay kasta, kinunana a saan paylaeng a simmuko ti immuna a nakabangga kenkuana a driver.
Kinuna pay ti dadduma a pamilya ti biktima nga adda dagiti agserbi a testigo iti nasao nga aksidente.
Iti baet dayta, kiddawda kadagiti pulis a tumulong dagitoy tapno maasikaso ti bangkay ti biktima.
Daytoy ket kalpasan a manu nga oras ti napalabas ket saan pay a naisimsimpa ken nakutkuti ti bangkay ti biktima gapu ta adda pay ti kasapulan manipud kadagiti otoridad sakbay a makuti ti bangkay ti biktima.
Kiddawda pay kadagiti otoridad ken dagiti drivers a limmabas iti dayta nga oras nga addaan iti dash cam a nakaala iti nasao nga insidente a makitinnulongda kadagitoy babaen iti panangipaayda iti video a makatulong iti imbestigasyon.//Rose via Noveh Organo
