PHILIPPINES – Inlawlawag ni Jose Gerardo Feliciano, Presidente iti United Broiler Raisers Association (UBRA), ti panagngato ti presio ti manok, gapu iti panagbaba ti stock ti broiler kalpasan a kinissayan dagiti raisers ti flock loading dagitoy tapno masubbotda dagiti lugida kadagiti napalabas a bulan.
Gapu iti bimmassit a broiler output, ngimmato ti farm gate price dagiti day-old chicks iti P43 per chick, dandani a doble iti sigud a P24 ti tunggal maysa.
Nupay kasta, impanamnama ni Feliciano iti publiko nga umdas ti stock ti broiler iti pagilian.
Kabayatanna, maibasar iti datos ti United Broiler Raisers Association (UBRA), dumanon iti agarup P137 tunggal kilo ti average farm gate price ti broiler, nu sadino siam a porsiento a nangatngato ti average quotation ngem iti P125.57 per kilo average price a nairekord itay napan a bulan.
