Imbilin ti Department of the Interior and Local Government (DILG) kadagiti amin a local government units nga ipatungpal ti preemptive evacuation kadagiti pamilya nga agnanaed kadagiti narisgo gapu iti possible a pangta ti typhoon Nando.
Kagiddan dayta, nagpalagip metlaeng ti Department of Health nga adaptaren dagiti safety ken health measures ken tawagan a dagus ti National Emergency Hotline 911 iti panawen ti emerhensya.
Sigun kenni Department of the Interior and Local Government nasken nga agaksyonen dagiti Local Government Units tapno agbakwit dagiti pamilya nga agnanaed kadagiti danger zones.
Kinunana pay a makitrabtrabaho dagitoyen kadagiti Regional Disaster Risk Reduction and Management Councils ken dagiti local chief executives tapno maipasigurado ti compliance ken tapno maipasigurado nga amin a barangay ket nakasagana.
