--Ads--
Ad-adda a napainget ti panagbantay dagiti personnel iti Philippine Coast Guard kadagiti port terminal kasaruno ti umadanin a paskua.
Nakairekord metlaeng dagitoy iti agarup 97,000 a paseheros kadagiti nagduduma a port terminals iti pagilian lima nga aldaw sakbay ti paskua.
Nangideploy met dagitoyen iti 2,997 frontline personnel kadagiti aglawlaw dagiti sangapulo ket innem a Philippine Coast Guard Districts.
Malaksid iti dayta, nag-inspeksyon metlaeng dagitoy kadagiti 584 a barko ken kadagiti 554 a motorbancas tapno masigurado ti seguridad dagiti pasaheros. Naipasidong metlaeng iti heightened alert status dagiti amin a districts, stations, ken sub-stations kas panagsagana dagitoy.
