Inaprobaran ti Office of the President (OP) ti rescheduled travel ni Vice President Sara Duterte.
Sigun kenni Palace Press Officer Undersecretary Atty. Claire Castro, naaprobaran ti travel period ti bise presidente idi Abril 28.
Daytoy ket para iti panagbiahena iti Mayo 02 agingga Mayo 15 sadiay pagilian a Netherlands, Republic of Korea, Belgium, Germany, ken UK.
Kabayatanna, awan paylaeng ti kompirmasyon ti Office of the Vice President (OVP) no nagbiahe itan ti bise presidente.
Maipalagip nga immuna a nangisubmitir ni Duterte iti travel authority iti Office of the President no sadino,naituding iti Abril 23 agingga Mayo 15.
Nupay kasta, kinuna ti bise presidente a “last minute” a naaprobaran.
Iti baet dayta, pinaglibakan daytoy ti Malakanyang ken kinunada a naaprobaran ti kiddaw ti bise presidente, maysa nga aldaw sakbay ti naituding a flight daytoy.
