--Ads--
BAGUIO CITY – Mabambantayan ita ti panagdalapus ti maysa a low pressure area a posible a marikna ti epekto daytoy iti siudad ti Baguio inton sumarsaruno nga aldaw.
Sigun kenni Mayor Benjamin Magalong, nakasagana ti siudad partikular ti template ken standard operating procedure nga agserbi a giya tapno malapdan ti nakaro nga epekto ti manamnama a bagyo.
Innayona pay a nakasagana ti deployment plans ket ti panakaiwaras dagiti equipment iti nagduduma a lugar.
Malaksid iti dayta, mangipatungpal dagitoy ti test iti landslide early warning system; agtultuloy ti panangputed da kadagiti dead trees a posible a makaitumba ti aksidente iti publiko, ken ti pakdaar seknan iti panakairuar dagiti basura.
