BAGUIO CITY – Maipampannakel ti dakkel a panagdur-as ti opisina ti Public Order and Safety Division kalpasan ti lima a tawen.
Iti exclusive interview ti Bombo Radyo kenni Darryl Kim Longid, mangidadaulo iti Public Order and Safety Division, dakkel ti nagbaliwan ti opisina seknan iti panakaipaay ti kasapulan dagitoy nga alikamen kas iti computer, internet connection, ken dadduma pay.
Natarimaan pay dagiti pagannurotan ken operational guidelines iti opisina.
Mainaig iti dayta, naaramid dagiti uniporme-da nu sadino nakatulong tapno mabigbig ti opisina dagitoy.
Ipampannakel pay ni Longid ti nagbalin a panagdur-as tapno mapasayaat ti kaina-propesyonalismo iti opisina dagitoy.
Kabayatanna, maysa a karit a sangsangwen ti opisina ket ti pannakaawata iti panangbabalaw ken saan a nasayaat a komento a maaw-watda manipud iti publiko seknan iti operasyon ken trabaho dagitoy.
