TUBA, BENGUET – Agpalpalagip ti Tuba Municipal Disaster Risk Reduction Management Office kadagiti motorista ti kanayunan a panaggannad iti panagregaay ti bato ken daga, nangruna sadiay Kennon road.
Kasarunu daytoy iti panagregaay manen ti batbato manipud iti bantay.
Sigun kenni LDRRMO II Gerald Alejo Jr., Operations and Warning iti Tuba MDRRMO, minor slide ti napasamak ken dagus a nalinisan babaen iti DPWH.
Nupay kasta, agkidkiddaw dagitoy iti “extreme precaution” kadagiti motorista ken residente agsipudta saanda a mabantayan iti amin a gundaway ti nasao a lugar.
Innayun daytoy a nasken nga “aware” ti publiko iti naduma-duma a signages kasta metlaeng dagiti advisories para iti seguridad.
Kabayatanna, impeksa ni Alejo a nakasagana dagitoy iti epekto ti bagyo, partikular iti masakupan dagitoy.
Nakasagan metlaeng dagiti evacuation areas ken dagiti food and non-food items.
Iti impatungpal dagitoy a Pre-Disaster Risk Assessment (PDRA) bayat a naideklara ti Benguet iti signal no. 1, awan ti nairekord dagitoy nga inyaman nga insidente iti nadumaduma a barangay ti nasao a munisipyo.
Mangnamanamada met a tuloy tuloy daytoy.
Impeteng daytoy nga ikonkosidirada a risk area amin a lugar iti Tuba gaputa, kabambantayan daytoy ket kadawyan a makapaspasar ti nasao a munisipyo iti panagreggaay. | Bombo Noveh Organo
