BAGUIO CITY – Pormalen a naideklara a napakapsuten ti pwersa ti gobierno ti grupo dagiti Communist Terrorist Groups (CTGs) iti Cordillera ken Ilocos kas maibasar iti report ti Area Clearing Validation Committee ti Armed Forces of the Philippines (AFP) ken Philippine National Police (PNP).
Karaman kadagiti nasao nga CTGs ti East Front Committee ti Komiteng Probinsia ti Cagayan; Komiteng- Rehiyon-Cagayan Valley ken ti Komiteng Larangang Guerilla (KLG) Baggas ti Ilocos-Cordillera Regional Committee.
Iti report report ti Area Clearing Validation Committee itay kanikadua, nailanad iti Joint Letter Directive No 3 a napakapsuten ti AFP ken AFP ti pwersa dagiti CTGs.
Kinunada nga amin nga CTG affected barangays ket naideklara a nadalusanen kalpasanda a naipasidong iti evaluation ken validation.
Amin dagiti agdama nga CTG affected Mass Organizations ken CTG Sectoral Front Organization iti Guerilla Front ket naibilin ken napanawda kadagiti apektado a barangay wenno boluntaryado a nagsisina.
Naamoan nga dumanon iti 34 nga barangay iti daya a paset ti Cagayan ken 29 a barangay sadiay Apayao ken Kalinga ti naideklara kas CTG-cleared.
Nagresulta met iti panakarekober ken panakakumispkar ti armas dagiti CTGs ken panakitiliw wenno isususko dagiti wanted NPA personalities ti napalawa ken agtultuloy a panag-abandona dagiti miembro ti rebelde ken New Peoples Army.
