Naobserbaran a dagiti kangrunaan a malablasing iti pagannurotan iti trapiko ket ti illegal parking, road obstruction, ken saan a panagobserbar kadagiti traffic signs ken signals.
Sigun kenni Police Major Harriet Bulcio, panakangiwat ti Baguio City Police Office, dimmanon iti nasurok sangagasut ti bilang dagiti matiltiliw dagitoy nga aglablabsing nu sadino kaadwan kadagitoy ket turista tunggal aldaw.
Mainaig iti dayta, inlawlawagna nga agtultuloy ladta ti panakaipatungpal ti Number Coding Scheme iti siudad iti baet nga holiday.
Kabayatanna, adu metten ti natiliw dagiti otoridad a naglabsing iti Number Coding Scheme sipud idi nairugi ti experimental implementation iti panakailaksid dagiti Senior Citizen iti number coding nu sadino kinuna ni Police Major Bulcio a ginundawayanda dagitoy ken naduktalan a saanda a nagturong kadagiti pag-agasan ken kadagiti pagtrabahoan dagitoy.//Bombo Rob Dominguez
